Hugmyndafræðin var röng, en hvaða hugmyndafræði er rétt ?

Sú hugmyndafræði sem Gylfi á hér við hlýtur að vera sú ríkjandi stefna ný frjálshyggju þar sem á að leyfa fyrirtækjum að vaxa óhindrað og í raun leyfa öllum markaðnum að vera algerlega frjáls. Ef það er leyft þá muni markaðurinn sjá um sig sjálfur og leita jafnvægis. En og sést hefur undanfarið þá á þessi kenning alls ekki við rök að styðjast alveg eins og kommúnisminn með sínar hugmyndir um að allir menn séu jafnir og eigi þar af leiðandi að fá allt jafnt er heldur ekki rétt.

En hvað er þá til ráða ?

Hvernig myndi fjármálaeftirlit í proutísku þjóðfélagi virka ? Mér dettur allavega í fljótu bragði í hug ein af meginreglum PROUT sem er að enginn einstaklingur á að geta sankað að sér auð án skýrs leyfis frá heildinni. "No individual should be allowed to accumulate any physical wealth without the clear permission or approval of the collective body." Samkvæmt þessu hefði jafnvel sú gamla hugmyndafræði að leyfa óbeislaðan markað geta verið áfram ef það hefði verið gefið skýrt leyfi frá heildinni, þ.e öllum Íslendingum að okkar sameiginlegi auður hefði mátt safnast á svo fáar hendur. En slíkt leyfi hefði sennilega aldrei fengist.

Hugmyndafræðin var röng

Athugasemdir

[Ómar Sigurðsson (IP-tala skráð) 2.2.2009 kl. 23:35]

Þetta er algjör áfellisdómur yfir Samfylkingunni og fyrrverandi bankamálaráðherra Björgvin G. Sigurðssyni. Nú skilur maður hvers vegna Samfylkingin hafði ekki yfir þeim mannauð að ráða að geta skipað í sæti viðskiptaráðherra mann úr sínum röðum en Gylfi var í Vöku þegar hann nam við Háskóla Íslands, gegn og góður Sjálfstæðismaður.

[Rannveig H, 3.2.2009 kl. 01:16]

Gylfi hefur aldrei verið skráður í Sjálfstæðisflokkinn Ómar!